ଭ୍ୟାକ୍ସିନରୁ ଏପର୍ଯ୍ୟନ୍ତ ୬୦୦ ଜଣଙ୍କୁ ସାଇଡ ଇଫେକ୍ଟ; ସ୍ୱାସ୍ଥ୍ୟ ମନ୍ତ୍ରୀ କହିଲେ: ଏହା ସ୍ୱାଭାବିକ

କରୋନା ଟୀକାକରଣ ପରେ (Corona Vaccination) ଦେଖାଯାଉଥିବା ପାର୍ଶ୍ୱ ପ୍ରତିକ୍ରିୟା ବିଷୟରେ ଆଲୋଚନା କରି ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ (Dr. Harsh Vardhan) କହିଛନ୍ତି ଯେ ଟିକା (Vaccine) ସମ୍ପୂର୍ଣ୍ଣ ସୁରକ୍ଷିତ ଓ ପ୍ରଭାବଶାଳୀ ।

ଭ୍ୟାକ୍ସିନରୁ ଏପର୍ଯ୍ୟନ୍ତ ୬୦୦ ଜଣଙ୍କୁ ସାଇଡ ଇଫେକ୍ଟ; ସ୍ୱାସ୍ଥ୍ୟ ମନ୍ତ୍ରୀ କହିଲେ: ଏହା ସ୍ୱାଭାବିକ
ଭେକସିନରୁ ଏପର୍ଯ୍ୟନ୍ତ ୬୦୦ ଜଣଙ୍କୁ ସାଇଡ ଇଫେକ୍ଟ
  • News18 Odia
  • Last Updated: January 21, 2021, 6:00 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଦେଶରେ କରୋନାର (Corona) ଯୁଦ୍ଧ ଜିତିବାକୁ ୧୬ ଜାନୁୟାରୀରୁ ଟୀକାକରଣ ଅଭିଯାନ ଆରମ୍ଭ ହୋଇଛି । ଆଜି କରୋନା ଟୀକାକରଣର ପ୍ରଥମ ପର୍ଯ୍ୟାୟର ଷଷ୍ଠ ଦିନ ଓ ଏପର୍ଯ୍ୟନ୍ତ ୬.୩୧ ଲକ୍ଷ କରୋନା ୱାରିୟର୍ସଙ୍କୁ ଟୀକାକରଣ କରାଯାଇଛି । ଏହି ସମୟରେ ଖବର ଆସିଛି ଯେ ଦେଶର ପ୍ରାୟ ୬୦୦ ଲୋକ କରୋନା ଟିକା ନେବା ଯୋଗୁଁ ପାର୍ଶ୍ୱ ପ୍ରତିକ୍ରିୟା ଦେଖା ଦେଇଛି । କେତେକ ରାଜ୍ୟରୁ କରୋନା ଟୀକାକରଣ ନେବା ଯୋଗୁଁ ମୃତ୍ୟୁ ହୋଇଥିବା ଖବର ମଧ୍ୟ ସାମ୍ନାକୁ ଆସିଛି । ତେବେ ମୃତ୍ୟୁର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନାହିଁ ।

କରୋନା ଟୀକାକରଣ ପରେ ଆସୁଥିବା ପାର୍ଶ୍ୱ ପ୍ରତିକ୍ରିୟା ବିଷୟରେ ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ କହିଛନ୍ତି "ଟିକା ସମ୍ପୂର୍ଣ୍ଣ ସୁରକ୍ଷିତ ଓ ପ୍ରଭାବଶାଳୀ । ସେ କହିଛନ୍ତି ଯେ ଏପର୍ଯ୍ୟନ୍ତ ରିପୋର୍ଟ ହୋଇଥିବା ସମସ୍ତ ପାର୍ଶ୍ୱ ପ୍ରତିକ୍ରିୟା ସ୍ୱାଭାବିକ । ଟୀକାକରଣ ପୂର୍ବରୁ କିଛି ପାର୍ଶ୍ୱ ପ୍ରତିକ୍ରିୟା ହେବ ବୋଲି କୁହାଯାଇଥିଲା । ଟୀକାକରଣ ପରେ ଯେକୌଣସି ସମୟରେ ଏପରି ହୋଇଥାଏ ।"

ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ କହିଛନ୍ତି ଯେ ଯଦି କରୋନାକୁ ମୂଳରୁ ଉପାଡି ଫିଙ୍ଗିବାକୁ ଚାହୁଁଛନ୍ତି ତେବେ ଟିକା ଲଗାଇବା ଆବଶ୍ୟକ । ରାଜନୈତିକ ଫାଇଦା ନେବାକୁ କିଛି ଲୋକ ଟୀକାକରଣ ବିଷୟରେ ଭୁଲ ତଥ୍ୟ ବିସ୍ତାର କରୁଛନ୍ତି ଏହା ଦୁର୍ଭାଗ୍ୟଜନକ । ସେ କହିଛନ୍ତି ଯେ ଏହାର ପ୍ରଭାବ ଅନେକ ସ୍ଥାନରେ ଦେଖାଯାଇଛି ଓ କିଛି ଲୋକ ଟୀକାକରଣ କରିବାକୁ ଅନିଚ୍ଛା ପ୍ରକାଶ କରୁଛନ୍ତି । ସରକାର କାହାର ସ୍ୱାସ୍ଥ୍ୟ ସହିତ ଆଦୌ ଖେଳିବେ ନାହିଁ । ସମସ୍ତଙ୍କୁ ସୁରକ୍ଷିତ ରଖିବା ଆମର ଦାୟିତ୍ୱ ।

୧୬ ଜାନୁଆରୀରେ ପ୍ରଧାନ ମନ୍ତ୍ରୀ ମୋଦୀ ଟୀକାକରଣ ଅଭିଯାନ ଆରମ୍ଭ କରିଥିଲେ
୧୬ ଜାନୁଆରୀରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ କରୋନା ଟୀକାକରଣ ଅଭିଯାନ ଆରମ୍ଭ କରିଥିଲେ । କରୋନା ଟୀକାକରଣ ଅଭିଯାନର ପ୍ରଥମ ଦିନରେ ୨,୦୭,୨୨୯, ଦ୍ୱିତୀୟ ଦିନରେ ୧୭,୦୭୨, ତୃତୀୟ ଦିନରେ ୧,୪୮,୨୬୬, ଚତୁର୍ଥ ଦିନରେ ୧,୭୭,୩୬୮ ଟିକା ଦିଆଯାଇଥିଲା । ଦେଶର ରାଜଧାନୀ ଦିଲ୍ଲୀ ବିଷୟରେ କହିବାକୁ ଗଲେ, କରୋନା ଟୀକାକରଣ ଅଭିଯାନର ଚତୁର୍ଥ ଦିନରେ ୪ ଜଣଙ୍କଠାରେ କରୋନା ଭେକସିନ ନେବା ଯୋଗୁଁ ପାର୍ଶ୍ୱ ପ୍ରତିକ୍ରିୟା ଦେଖାଯାଇଥିଲା । ସେଥିମଧ୍ୟରୁ ୩ ଜଣଙ୍କୁ ଡିସଚାର୍ଜ କରାଯାଇଛି ଓ ଜଣଙ୍କୁ ରାଜୀବ ଗାନ୍ଧୀ ହସ୍ପିଟାଲରେ ଆଡମିଟ କରାଯାଇ ଚିକିତ୍ସା କରାଯାଉଛି ।
Published by: Jagdish Barik
First published: January 21, 2021, 3:54 PM IST