- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- କ’ଣ ଚାଲିଛି? ଭୁବନେଶ୍ୱରରେ କରୋନା ରୋଗୀଙ୍କୁ ୩ଟି ଘରୋଇ ହସପିଟାଲ ଫେରାଇଦେଲେ
କ’ଣ ଚାଲିଛି? ଭୁବନେଶ୍ୱରରେ କରୋନା ରୋଗୀଙ୍କୁ ୩ଟି ଘରୋଇ ହସପିଟାଲ ଫେରାଇଦେଲେ
କରୋନାରେ ଆକ୍ରାନ୍ତ ଥିବା ଯୋଗୁଁ ଭୟଭୀତ ଥିବା ରୋଗୀଙ୍କୁ ଚିକିତ୍ସା ପାଇଁ ବାର ଦୁଆର ଶୁଣ୍ଢି ପିଣ୍ଡା ହେବାକୁ ପଡୁଛି । ଘରୋଇ ହସପିଟାଲରେ ଆଡମିଶନ ପୂର୍ବରୁ ହାଇ ଆମାଉଣ୍ଟର ଟଙ୍କା ପଇଠ କରିବାକୁ କୁହାଯାଉଥିବାର ଅଭିଯୋଗ ବି ଆସୁଛି ।
କୋଭିଡ ରୋଗୀ ଅପର୍ଣ୍ଣା ସାହୁ ଓ (ଡାହାଣ) ଭୁବନେଶ୍ୱରର ଏକ କୋଭିଡ ହସପିଟାଲ
News18 Odia Digital
ଭୁବନେଶ୍ୱର: ରାଜ୍ୟ ସରକାରଙ୍କ କୋଭିଡ ପରିଚାଳନା ଏ ପର୍ଯ୍ୟନ୍ତ ପ୍ରଶଂସନୀୟ ରହିଛି, ହେଲେ ରାଜ୍ୟରେ ସଂକ୍ରମିତଙ୍କ ସଂଖ୍ୟା ବଢ଼ିଚାଲିଥିବା ଯୋଗୁଁ କୋଭିଡ ହସ୍ପିଟାଲଗୁଡ଼ିକରେ ଅବ୍ୟବସ୍ଥା, ଅନିୟମିତା ଓ ଚଞ୍ଚକତାର ଅନେକ ଉଦାହରଣ ବି ସାମନାକୁ ଆସିଛି । ବିଶେଷତଃ ଘରୋଇ କୋଭିଡ଼ ହସ୍ପିଟାଲଗୁଡ଼ିକରେ ବେଡ଼ ଓ ଆଇସିୟୁ ତଥ୍ୟରେ ଚଞ୍ଚକତା କରାଯାଉଥିବା ଅଭିଯୋଗ ହେଉଛି ।
ଘରୋଇ କୋଭିଡ଼ ହସ୍ପିଟାଲଗୁଡ଼ିକୁ ଅନେକ ରୋଗୀ ଆସୁଛନ୍ତି ଚିକିତ୍ସା ପାଇଁ । ହେଲେ ଏ ହସପିଟାଲରୁ ସେ ହସପିଟାଲ ଦଉଡ଼ି ଦଉଡ଼ି ନୟାନ୍ତ ହେଉଛନ୍ତି ସେମାନେ । କରୋନାରେ ଆକ୍ରାନ୍ତ ଥିବା ଯୋଗୁଁ ଭୟଭୀତ ଥିବା ରୋଗୀଙ୍କୁ ଚିକିତ୍ସା ପାଇଁ ବାର ଦୁଆର ଶୁଣ୍ଢି ପିଣ୍ଡା ହେବାକୁ ପଡୁଛି । ଘରୋଇ ହସପିଟାଲରେ ଆଡମିଶନ ପୂର୍ବରୁ ହାଇ ଆମାଉଣ୍ଟର ଟଙ୍କା ପଇଠ କରିବାକୁ କହୁଛନ୍ତି ହସପିଟାଲ୍ କର୍ତ୍ତୃପକ୍ଷ। ନିକଟରେ ଏମିତି ଏକ ଘଟଣା ଘଟିଛି ରାଜଧାନୀ ଭୁବନେଶ୍ୱରରେ ।
ପୁରୀ ଜିଲ୍ଲା କଣାସ ବ୍ଳକର ବାସିନ୍ଦା ଅପର୍ଣ୍ଣା ସାହୁ ଛାତିରେ ଯନ୍ତ୍ରଣା ଅନୁଭବ କରିବା ପରେ କେୟାର ହସପିଟାଲକୁ ଆସିଥିଲେ । ୧୯ ତାରିଖରେ ତାଙ୍କ କରୋନା ରିପୋର୍ଟ ପଜିଟିଭ ଆସିଥିଲା । ହେଲେ କେୟାର ହସପିଟାଲ୍ ଚିକିତ୍ସା କରିବାକୁ ସିଧା ସିଧା ମନା କରିଦେଇଥିଲା ବୋଲି ତାଙ୍କ ସମ୍ପର୍କୀୟମାନେ ଅଭିଯୋଗ କରିଛନ୍ତି ।
ସେମାନେ ୧୦୪ ନମ୍ବରରେ କଲ୍ କଲେ, ହେଲେ କିଛି ସୁଫଳ ମିଳିଲାନି । କିମସ୍ ଓ ସମ୍ ହସପିଟାଲକୁ ବି ଗଲେ, କିନ୍ତୁ ସେଠି ବି ଆଡିମସନ ହୋଇପାରିଲାନି । ରାତି ୧୧ଟାରେ ନିରାଶ ହୋଇ ଫେରିଲେ । ତା’ ପରଦିନ ଯନ୍ତ୍ରଣା ବଢ଼ିବାରୁ ବିଏମସି ଓ ଜିଲ୍ଲା ପ୍ରଶାସନର ହସ୍ତକ୍ଷେପ ଲୋଡ଼ିଲେ ସେମାନେ । ଏବେ ଅପର୍ଣ୍ଣା ହାଇଟେକ ହସପିଟାଲରେ ଚିକିସାଧୀନ ଅଛନ୍ତି ।
ଅପର୍ଣ୍ଣା ସାହୁଙ୍କ ଅନୁଭୁତିରୁ ଭୁବନେଶ୍ୱରର ଘରୋଇ କୋଭିଡ଼ ହସ୍ପିଟାଲଗୁଡ଼ିକରେ କେମିତି ଚାଲିଛି ଚିକିତ୍ସା ତାହା ସହଜେ ଅନୁମେୟ । ଯଦି ରାଜଧାନୀରେ ଏଭଳି ଚିକିତ୍ସା ଦିଆଯାଉଛି, ତେବେ ଉପାନ୍ତ ଅଞ୍ଚଳରେ ଅବସ୍ଥା କେମିତି ଥିବ ତାହା ଆପଣ ଭଲ ଭାବରେ ବୁଝିପାରୁଥିବେ ।
ଘରୋଇ ହସ୍ପିଟାଲଗୁଡ଼ିକୁ ରାଜ୍ୟ ସରକାରଙ୍କ ନିର୍ଦ୍ଦେଶ ରହିଛି ଯେ ୮୦ ପ୍ରତିଶତ ଆୟିସିୟୁ ଓ ୫୦ ପ୍ରତିଶତ ଜେନେରାଲ ବେଡ୍ କେବଳ କରୋନା ଚିକିତ୍ସା ନିମନ୍ତେ ସେମାନେ ରଖିବେ । ତେବେ ଘରୋଇ ହସ୍ପିଟାଲଗୁଡ଼ିକ ସେମାନଙ୍କ ପାଖରେ ଥିବା ଜେନେରାଲ ବେଡ୍, ଆଇସିୟୁ ଓ କରୋନା ପାଇଁ ସଂରକ୍ଷିତ ବେଡ୍ର ସଂଖ୍ୟା ଓ ପ୍ରକୃତ ତାଲିକା ଦେଉପାରୁନାହାନ୍ତି ।
କୋଭିଡ ମହାମାରୀର ମୁକାବିଲା ପାଇଁ ରାଜ୍ୟ ସରକାରଙ୍କ ବ୍ୟବସ୍ଥା ଅନୁଯାୟୀ ରାଜ୍ୟରେ ଏବେ କାର୍ଯ୍ୟକ୍ଷମ ଅଛି ମୋଟ ୪୮ଟି କୋଭିଡ ହସ୍ପିଟାଲ ଓ ୧୭୮ଟି କୋଭିଡ କେୟାର ସେଣ୍ଟର । ଏହି କୋଭିଡ ହସ୍ପିଟାଲ୍ ଓ କେୟାର ସେଣ୍ଟରରେ ରହିଛି ମୋଟ ୮,୩୧୦ଟି ସାଧାରଣ ବେଡ଼ର ବ୍ୟବସ୍ଥା । ଏବେ ସୁଦ୍ଧା ଖାଲି ପଡିଥିବା ବେଡ଼ ସଂଖ୍ୟା ୩,୯୦୪ ବୋଲି କୁହାଯାଉଛି । ସେମିତି ସାରା ରାଜ୍ୟରେ ମୋଟ ୧,୩୮୧ଟି ଆଇସିୟୁ ରହିଥିବା ବେଳେ ସେ ଭିତରୁ ଖାଲି ଅଛି ୭୫୬ଟି । ସ୍ୱାସ୍ଥ୍ୟ ବିଭାଗର ସୂଚନା କହୁଛି ଯେ କେବଳ ଭୁବନେଶ୍ୱରରେ ୧,୬୧୭ଟି କୋଭିଡ ବେଡ଼ ଅଛି ଓ ସେଥିରୁ ଖାଲି ଅଛି ୪୧୦ଟି ବେଡ଼ । ଭୁବନେଶ୍ବରରେ ଥିବା ୫୩୪ଟି ଆଇସିୟୁ ଭିତରୁ ଖାଲି ପଡ଼ିଛି ୨୭୪ଟି । ସେହି ପରି ଭୁବନେଶ୍ୱରରେ ୧୯୫ଟି ଭେଣ୍ଟିଲେଟର ବ୍ୟବସ୍ଥା ଥିବା ବେଳେ ଏବେ ସୁଦ୍ଧା ଖାଲି ପଡିଛି ୧୦୨ଟି ଭେଣ୍ଟିଲେଟର ।
ସରକାରୀ ଭାବେ ଦିଆଯାଇଥିବା ଏହି ତଥ୍ୟ ସହିତ ମେଳ ଖାଉନାହିଁ ପ୍ରକୃତ ତଥ୍ୟ । ଅଭିଯୋଗ ଆସୁଛି ଯେ ଭୁବନେଶ୍ୱରର ଘରୋଇ ଆପୋଲୋ ହସ୍ପିଟାଲରେ ସାଧାରଣ ବେଡ଼ ସଂଖ୍ୟ ୩୫୦ ଓ ୬୪ଟି ଆସିୟୁ ଥିବା ବେଳେ ଏବେ ସେଥିରୁ ଗୋଟିଏ ବି ବେଡ଼ ଖାଲି ନାହିଁ ବୋଲି ହସ୍ପିଟାଲ ପକ୍ଷରୁ ଲୋକଙ୍କୁ କୁହାଯାଉଛି । ସେହି ପରି କିମ୍ସ କୋଭିଡ ହସ୍ପିଟାଲ ଓ ସମ୍ କୋଭିଡ ହସ୍ପିଟାଲ ଉଭୟ ୫୦୦ ଶଯ୍ୟା ବିଶିଷ୍ଟ ହୋଇଥିବା ବେଳେ ଅନେକ ସମୟରେ ଗୋଟିଏ ବି ବେଡ଼ ଖାଲି ରହୁ ନ ଥିବା ହସ୍ପିଟାଲ ପକ୍ଷରୁ କୁହାଯାଉଛି ବୋଲି ଅଭିଯୋଗ ଆସିଛି ।
ରୋଗୀଙ୍କ ସମ୍ପର୍କୀୟମାନେ ଅଭିଯୋଗ କରିଛନ୍ତି ଯେ ସବୁ କୋଭିଡ ହସ୍ପିଟାଲ ଓ କେୟାର ସେଣ୍ଟରରେ ସେମାନଙ୍କ ଠାରୁ ତଥ୍ୟ ଲୁଚାଯାଉଛି । ରୋଗୀକୁ ବେଡ଼ ମିଳୁଛି କି ନାହିଁ, ମେଡ଼ିସିନ ଦିଆଯାଉଛି କି ନାହିଁ, ପ୍ରକୃତ ଆସିୟୁ ସଂଖ୍ୟା କେତେ, ଏମିତିକି ରୋଗୀର ସ୍ବାସ୍ଥ୍ୟ ଅବସ୍ଥା କ’ଣ ଅଛି ସେ ସୂଚନା ମଧ୍ୟ ଲୁଚାଯାଉଛି ବୋଲି କହିଛନ୍ତି ସେମାନେ ।
ଏଭଳି ତଥ୍ୟ ଓ ଆରୋପ ଭିତରେ କୋଭିଡ ହସ୍ପିଟାଲ ବା କୋଭିଡ କେୟାର ସେଣ୍ଟରଗୁଡ଼ିକର ଭୂମିକାକୁ ନେଇ ପ୍ରଶ୍ନ ଉଠାଇଛନ୍ତି ସାମାଜିକ କର୍ମୀ ଅଶୋକ ପାଲଟାସିଂ । ‘‘ସରକାରୀ ଭାବେ ଜାରୀ ହେଉଥିବା ତଥ୍ୟ ଠାରୁ ବାସ୍ତବ ତଥ୍ୟ ଅଲଗା । ଅଧିକାଂଶ କୋଭିଡ ହସ୍ପିଟାଲରେ ଆଇସିୟୁ ନାହିଁ ବୋଲି କହି ଅନେକ ରୋଗୀଙ୍କୁ ଫେରାଇ ଦିଆଯାଇଛି । ଭେଣ୍ଟିଲେଟର ନାହିଁ ବୋଲି କୁହାଯାଉଛି । ମୋଟ ଉପରେ ଏ ସବୁ ଘଟଣା ଏକ ଅଭାବନୀୟ ପରିସ୍ଥିତି ସୃଷ୍ଟି କରିଛି । ତେଣୁ ଦୈନିକ ପ୍ରତି କୋଭିଡ ହସ୍ପିଟାଲ ଓ କେୟାର ସେଣ୍ଟରରେ ସାଧାରଣ ଲୋକଙ୍କ ପାଇଁ ତଥ୍ୟ ପ୍ରଦର୍ଶିତ କରାଯିବାର ବ୍ୟବସ୍ଥା ହେବା ଉଚିତ,’’ ସେ କହିଛନ୍ତି ।
ଏହା ବି ପଢ଼ନ୍ତୁ | ଶରୀରର ଆଭ୍ୟନ୍ତରୀଣ ଅଙ୍ଗ ସବୁ ଠିକ୍ ଜାଗାରେ ନ ଥିଲେ, ତଥାପି ୯୯ ବର୍ଷ ଯାଏଁ ବଞ୍ଚିଲେ ମହିଳା
ଏହା ବି ପଢ଼ନ୍ତୁ | Bollywood & Drugs: ଡ୍ରଗ୍ସ ଚାଟ୍ କଥା ସ୍ୱୀକାର କଲେ ଦୀପିକା; ଶ୍ରଦ୍ଧା ଓ ସାରାଙ୍କୁ ବି ଜେରା କରାଗଲା
ବିଭିନ୍ନ ରୋଗରେ ପୀଡ଼ିତ ଥିବା ସୁକାନ୍ତ ସାହୁ ଘରୋଇ ହସପିଟାଲଗୁଡ଼ିକ ବିରୋଧରେ ଆଣିଛନ୍ତି ସାଙ୍ଘାତିକ ଅଭିଯୋଗ । ‘‘କିମ୍ସ, ସମ୍ ଓ କେୟାର ହସ୍ପିଟାଲ ମନମାନି କରୁଛନ୍ତି । ମୋ’ର ସ୍ପାଇନାଲ କର୍ଡ଼ ପ୍ରୋବ୍ଲେମ ଥିବାରୁ ଏହି ସୁବ ହସ୍ପିଟାଲ ବୁଲିଥିଲି ହେଲେ କୌଣସି ସୁଫଳ ମିଳି ନ ଥିଲା,’’ ସେ କହିଛନ୍ତି ।
ରାଜ୍ୟରେ କରୋନା ସଙ୍କଟ ବଢ଼ୁଥିବା ସମୟରେ ଏମିତି ପୁଳା ପୁଳା ଅଭିଯୋଗ ଆସୁଛି ଘରୋଇ ହସପିଟାଲମାନଙ୍କ ବିରୋଧରେ । ତେବେ ଏହି ସବୁ ଅଭିଯୋଗ ଉପରେ ସ୍ବାସ୍ଥ୍ୟ ବିଭାଗ କେବେ ସଚେତନ ହେବ ଓ ବିଭାଗୀୟ ମନ୍ତ୍ରୀ ଓ ସଚିବ କେବେ ଦୃଷ୍ଟି ଦେବେ ତାହା ଉପରେ ସମସ୍ତଙ୍କର ପ୍ରତୀକ୍ଷାଭରା ନଜର ରହିଛି ।
ଭୁବନେଶ୍ୱର: ରାଜ୍ୟ ସରକାରଙ୍କ କୋଭିଡ ପରିଚାଳନା ଏ ପର୍ଯ୍ୟନ୍ତ ପ୍ରଶଂସନୀୟ ରହିଛି, ହେଲେ ରାଜ୍ୟରେ ସଂକ୍ରମିତଙ୍କ ସଂଖ୍ୟା ବଢ଼ିଚାଲିଥିବା ଯୋଗୁଁ କୋଭିଡ ହସ୍ପିଟାଲଗୁଡ଼ିକରେ ଅବ୍ୟବସ୍ଥା, ଅନିୟମିତା ଓ ଚଞ୍ଚକତାର ଅନେକ ଉଦାହରଣ ବି ସାମନାକୁ ଆସିଛି । ବିଶେଷତଃ ଘରୋଇ କୋଭିଡ଼ ହସ୍ପିଟାଲଗୁଡ଼ିକରେ ବେଡ଼ ଓ ଆଇସିୟୁ ତଥ୍ୟରେ ଚଞ୍ଚକତା କରାଯାଉଥିବା ଅଭିଯୋଗ ହେଉଛି ।
ଘରୋଇ କୋଭିଡ଼ ହସ୍ପିଟାଲଗୁଡ଼ିକୁ ଅନେକ ରୋଗୀ ଆସୁଛନ୍ତି ଚିକିତ୍ସା ପାଇଁ । ହେଲେ ଏ ହସପିଟାଲରୁ ସେ ହସପିଟାଲ ଦଉଡ଼ି ଦଉଡ଼ି ନୟାନ୍ତ ହେଉଛନ୍ତି ସେମାନେ । କରୋନାରେ ଆକ୍ରାନ୍ତ ଥିବା ଯୋଗୁଁ ଭୟଭୀତ ଥିବା ରୋଗୀଙ୍କୁ ଚିକିତ୍ସା ପାଇଁ ବାର ଦୁଆର ଶୁଣ୍ଢି ପିଣ୍ଡା ହେବାକୁ ପଡୁଛି । ଘରୋଇ ହସପିଟାଲରେ ଆଡମିଶନ ପୂର୍ବରୁ ହାଇ ଆମାଉଣ୍ଟର ଟଙ୍କା ପଇଠ କରିବାକୁ କହୁଛନ୍ତି ହସପିଟାଲ୍ କର୍ତ୍ତୃପକ୍ଷ। ନିକଟରେ ଏମିତି ଏକ ଘଟଣା ଘଟିଛି ରାଜଧାନୀ ଭୁବନେଶ୍ୱରରେ ।
ପୁରୀ ଜିଲ୍ଲା କଣାସ ବ୍ଳକର ବାସିନ୍ଦା ଅପର୍ଣ୍ଣା ସାହୁ ଛାତିରେ ଯନ୍ତ୍ରଣା ଅନୁଭବ କରିବା ପରେ କେୟାର ହସପିଟାଲକୁ ଆସିଥିଲେ । ୧୯ ତାରିଖରେ ତାଙ୍କ କରୋନା ରିପୋର୍ଟ ପଜିଟିଭ ଆସିଥିଲା । ହେଲେ କେୟାର ହସପିଟାଲ୍ ଚିକିତ୍ସା କରିବାକୁ ସିଧା ସିଧା ମନା କରିଦେଇଥିଲା ବୋଲି ତାଙ୍କ ସମ୍ପର୍କୀୟମାନେ ଅଭିଯୋଗ କରିଛନ୍ତି ।
ସେମାନେ ୧୦୪ ନମ୍ବରରେ କଲ୍ କଲେ, ହେଲେ କିଛି ସୁଫଳ ମିଳିଲାନି । କିମସ୍ ଓ ସମ୍ ହସପିଟାଲକୁ ବି ଗଲେ, କିନ୍ତୁ ସେଠି ବି ଆଡିମସନ ହୋଇପାରିଲାନି । ରାତି ୧୧ଟାରେ ନିରାଶ ହୋଇ ଫେରିଲେ । ତା’ ପରଦିନ ଯନ୍ତ୍ରଣା ବଢ଼ିବାରୁ ବିଏମସି ଓ ଜିଲ୍ଲା ପ୍ରଶାସନର ହସ୍ତକ୍ଷେପ ଲୋଡ଼ିଲେ ସେମାନେ । ଏବେ ଅପର୍ଣ୍ଣା ହାଇଟେକ ହସପିଟାଲରେ ଚିକିସାଧୀନ ଅଛନ୍ତି ।
ରାଜ୍ୟରେ କରୋନା ସଂକ୍ରମଣର ତାଜା ସ୍ଥିତିର ମ୍ୟାପ୍
ଅପର୍ଣ୍ଣା ସାହୁଙ୍କ ଅନୁଭୁତିରୁ ଭୁବନେଶ୍ୱରର ଘରୋଇ କୋଭିଡ଼ ହସ୍ପିଟାଲଗୁଡ଼ିକରେ କେମିତି ଚାଲିଛି ଚିକିତ୍ସା ତାହା ସହଜେ ଅନୁମେୟ । ଯଦି ରାଜଧାନୀରେ ଏଭଳି ଚିକିତ୍ସା ଦିଆଯାଉଛି, ତେବେ ଉପାନ୍ତ ଅଞ୍ଚଳରେ ଅବସ୍ଥା କେମିତି ଥିବ ତାହା ଆପଣ ଭଲ ଭାବରେ ବୁଝିପାରୁଥିବେ ।
ଘରୋଇ ହସ୍ପିଟାଲଗୁଡ଼ିକୁ ରାଜ୍ୟ ସରକାରଙ୍କ ନିର୍ଦ୍ଦେଶ ରହିଛି ଯେ ୮୦ ପ୍ରତିଶତ ଆୟିସିୟୁ ଓ ୫୦ ପ୍ରତିଶତ ଜେନେରାଲ ବେଡ୍ କେବଳ କରୋନା ଚିକିତ୍ସା ନିମନ୍ତେ ସେମାନେ ରଖିବେ । ତେବେ ଘରୋଇ ହସ୍ପିଟାଲଗୁଡ଼ିକ ସେମାନଙ୍କ ପାଖରେ ଥିବା ଜେନେରାଲ ବେଡ୍, ଆଇସିୟୁ ଓ କରୋନା ପାଇଁ ସଂରକ୍ଷିତ ବେଡ୍ର ସଂଖ୍ୟା ଓ ପ୍ରକୃତ ତାଲିକା ଦେଉପାରୁନାହାନ୍ତି ।
କୋଭିଡ ମହାମାରୀର ମୁକାବିଲା ପାଇଁ ରାଜ୍ୟ ସରକାରଙ୍କ ବ୍ୟବସ୍ଥା ଅନୁଯାୟୀ ରାଜ୍ୟରେ ଏବେ କାର୍ଯ୍ୟକ୍ଷମ ଅଛି ମୋଟ ୪୮ଟି କୋଭିଡ ହସ୍ପିଟାଲ ଓ ୧୭୮ଟି କୋଭିଡ କେୟାର ସେଣ୍ଟର । ଏହି କୋଭିଡ ହସ୍ପିଟାଲ୍ ଓ କେୟାର ସେଣ୍ଟରରେ ରହିଛି ମୋଟ ୮,୩୧୦ଟି ସାଧାରଣ ବେଡ଼ର ବ୍ୟବସ୍ଥା । ଏବେ ସୁଦ୍ଧା ଖାଲି ପଡିଥିବା ବେଡ଼ ସଂଖ୍ୟା ୩,୯୦୪ ବୋଲି କୁହାଯାଉଛି । ସେମିତି ସାରା ରାଜ୍ୟରେ ମୋଟ ୧,୩୮୧ଟି ଆଇସିୟୁ ରହିଥିବା ବେଳେ ସେ ଭିତରୁ ଖାଲି ଅଛି ୭୫୬ଟି । ସ୍ୱାସ୍ଥ୍ୟ ବିଭାଗର ସୂଚନା କହୁଛି ଯେ କେବଳ ଭୁବନେଶ୍ୱରରେ ୧,୬୧୭ଟି କୋଭିଡ ବେଡ଼ ଅଛି ଓ ସେଥିରୁ ଖାଲି ଅଛି ୪୧୦ଟି ବେଡ଼ । ଭୁବନେଶ୍ବରରେ ଥିବା ୫୩୪ଟି ଆଇସିୟୁ ଭିତରୁ ଖାଲି ପଡ଼ିଛି ୨୭୪ଟି । ସେହି ପରି ଭୁବନେଶ୍ୱରରେ ୧୯୫ଟି ଭେଣ୍ଟିଲେଟର ବ୍ୟବସ୍ଥା ଥିବା ବେଳେ ଏବେ ସୁଦ୍ଧା ଖାଲି ପଡିଛି ୧୦୨ଟି ଭେଣ୍ଟିଲେଟର ।
ସରକାରୀ ଭାବେ ଦିଆଯାଇଥିବା ଏହି ତଥ୍ୟ ସହିତ ମେଳ ଖାଉନାହିଁ ପ୍ରକୃତ ତଥ୍ୟ । ଅଭିଯୋଗ ଆସୁଛି ଯେ ଭୁବନେଶ୍ୱରର ଘରୋଇ ଆପୋଲୋ ହସ୍ପିଟାଲରେ ସାଧାରଣ ବେଡ଼ ସଂଖ୍ୟ ୩୫୦ ଓ ୬୪ଟି ଆସିୟୁ ଥିବା ବେଳେ ଏବେ ସେଥିରୁ ଗୋଟିଏ ବି ବେଡ଼ ଖାଲି ନାହିଁ ବୋଲି ହସ୍ପିଟାଲ ପକ୍ଷରୁ ଲୋକଙ୍କୁ କୁହାଯାଉଛି । ସେହି ପରି କିମ୍ସ କୋଭିଡ ହସ୍ପିଟାଲ ଓ ସମ୍ କୋଭିଡ ହସ୍ପିଟାଲ ଉଭୟ ୫୦୦ ଶଯ୍ୟା ବିଶିଷ୍ଟ ହୋଇଥିବା ବେଳେ ଅନେକ ସମୟରେ ଗୋଟିଏ ବି ବେଡ଼ ଖାଲି ରହୁ ନ ଥିବା ହସ୍ପିଟାଲ ପକ୍ଷରୁ କୁହାଯାଉଛି ବୋଲି ଅଭିଯୋଗ ଆସିଛି ।
ରୋଗୀଙ୍କ ସମ୍ପର୍କୀୟମାନେ ଅଭିଯୋଗ କରିଛନ୍ତି ଯେ ସବୁ କୋଭିଡ ହସ୍ପିଟାଲ ଓ କେୟାର ସେଣ୍ଟରରେ ସେମାନଙ୍କ ଠାରୁ ତଥ୍ୟ ଲୁଚାଯାଉଛି । ରୋଗୀକୁ ବେଡ଼ ମିଳୁଛି କି ନାହିଁ, ମେଡ଼ିସିନ ଦିଆଯାଉଛି କି ନାହିଁ, ପ୍ରକୃତ ଆସିୟୁ ସଂଖ୍ୟା କେତେ, ଏମିତିକି ରୋଗୀର ସ୍ବାସ୍ଥ୍ୟ ଅବସ୍ଥା କ’ଣ ଅଛି ସେ ସୂଚନା ମଧ୍ୟ ଲୁଚାଯାଉଛି ବୋଲି କହିଛନ୍ତି ସେମାନେ ।
ଏଭଳି ତଥ୍ୟ ଓ ଆରୋପ ଭିତରେ କୋଭିଡ ହସ୍ପିଟାଲ ବା କୋଭିଡ କେୟାର ସେଣ୍ଟରଗୁଡ଼ିକର ଭୂମିକାକୁ ନେଇ ପ୍ରଶ୍ନ ଉଠାଇଛନ୍ତି ସାମାଜିକ କର୍ମୀ ଅଶୋକ ପାଲଟାସିଂ । ‘‘ସରକାରୀ ଭାବେ ଜାରୀ ହେଉଥିବା ତଥ୍ୟ ଠାରୁ ବାସ୍ତବ ତଥ୍ୟ ଅଲଗା । ଅଧିକାଂଶ କୋଭିଡ ହସ୍ପିଟାଲରେ ଆଇସିୟୁ ନାହିଁ ବୋଲି କହି ଅନେକ ରୋଗୀଙ୍କୁ ଫେରାଇ ଦିଆଯାଇଛି । ଭେଣ୍ଟିଲେଟର ନାହିଁ ବୋଲି କୁହାଯାଉଛି । ମୋଟ ଉପରେ ଏ ସବୁ ଘଟଣା ଏକ ଅଭାବନୀୟ ପରିସ୍ଥିତି ସୃଷ୍ଟି କରିଛି । ତେଣୁ ଦୈନିକ ପ୍ରତି କୋଭିଡ ହସ୍ପିଟାଲ ଓ କେୟାର ସେଣ୍ଟରରେ ସାଧାରଣ ଲୋକଙ୍କ ପାଇଁ ତଥ୍ୟ ପ୍ରଦର୍ଶିତ କରାଯିବାର ବ୍ୟବସ୍ଥା ହେବା ଉଚିତ,’’ ସେ କହିଛନ୍ତି ।
ଏହା ବି ପଢ଼ନ୍ତୁ | ଶରୀରର ଆଭ୍ୟନ୍ତରୀଣ ଅଙ୍ଗ ସବୁ ଠିକ୍ ଜାଗାରେ ନ ଥିଲେ, ତଥାପି ୯୯ ବର୍ଷ ଯାଏଁ ବଞ୍ଚିଲେ ମହିଳା
ଏହା ବି ପଢ଼ନ୍ତୁ | Bollywood & Drugs: ଡ୍ରଗ୍ସ ଚାଟ୍ କଥା ସ୍ୱୀକାର କଲେ ଦୀପିକା; ଶ୍ରଦ୍ଧା ଓ ସାରାଙ୍କୁ ବି ଜେରା କରାଗଲା
ବିଭିନ୍ନ ରୋଗରେ ପୀଡ଼ିତ ଥିବା ସୁକାନ୍ତ ସାହୁ ଘରୋଇ ହସପିଟାଲଗୁଡ଼ିକ ବିରୋଧରେ ଆଣିଛନ୍ତି ସାଙ୍ଘାତିକ ଅଭିଯୋଗ । ‘‘କିମ୍ସ, ସମ୍ ଓ କେୟାର ହସ୍ପିଟାଲ ମନମାନି କରୁଛନ୍ତି । ମୋ’ର ସ୍ପାଇନାଲ କର୍ଡ଼ ପ୍ରୋବ୍ଲେମ ଥିବାରୁ ଏହି ସୁବ ହସ୍ପିଟାଲ ବୁଲିଥିଲି ହେଲେ କୌଣସି ସୁଫଳ ମିଳି ନ ଥିଲା,’’ ସେ କହିଛନ୍ତି ।
ରାଜ୍ୟରେ କରୋନା ସଙ୍କଟ ବଢ଼ୁଥିବା ସମୟରେ ଏମିତି ପୁଳା ପୁଳା ଅଭିଯୋଗ ଆସୁଛି ଘରୋଇ ହସପିଟାଲମାନଙ୍କ ବିରୋଧରେ । ତେବେ ଏହି ସବୁ ଅଭିଯୋଗ ଉପରେ ସ୍ବାସ୍ଥ୍ୟ ବିଭାଗ କେବେ ସଚେତନ ହେବ ଓ ବିଭାଗୀୟ ମନ୍ତ୍ରୀ ଓ ସଚିବ କେବେ ଦୃଷ୍ଟି ଦେବେ ତାହା ଉପରେ ସମସ୍ତଙ୍କର ପ୍ରତୀକ୍ଷାଭରା ନଜର ରହିଛି ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
