କରୋନା ହଟ୍‌ ସ୍ପଟ୍‌ ଭାବେ ରେଡ୍‌ ଜୋନ୍‌ରେ ଓଡ଼ିଶାର ୩ ଜିଲ୍ଲା: ଯାଜପୁର, ଭଦ୍ରକ ଓ ବାଲେଶ୍ବର

ମେ ୩ ତାରିଖ ପରେ ଲାଗୁ ହେବାକୁ ଥିବା ନୂଆ ଲକଡାଉନ ନିୟମରେ ରେଡ ଜୋନରେ ଥିବା ଜିଲ୍ଲାରେ କଟକଣା ଅଧିକ ହେବା ସମ୍ଭାବନା ରହିଛି । ଦେଶର ୧୩୦ଟି ଜିଲ୍ଲା ରେଡ ଜୋନରେ ରହିଛି ।

କରୋନା ହଟ୍‌ ସ୍ପଟ୍‌ ଭାବେ ରେଡ୍‌ ଜୋନ୍‌ରେ ଓଡ଼ିଶାର ୩ ଜିଲ୍ଲା: ଯାଜପୁର, ଭଦ୍ରକ ଓ ବାଲେଶ୍ବର
ଯାଜପୁର ଜିଲ୍ଲାରେ କଡ଼ା ଚେକିଂ ଚାଲିଛି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: କରୋନା ହଟ୍‌ ସ୍ପଟ୍‌ ଭାବେ ରେଡ୍‌ ଜୋନ୍‌ରେ ଅଛନ୍ତି ଓଡ଼ିଶାର ତିନିଟି  ଜିଲ୍ଲା । ସେମାନେ ହେଲେ ଯାଜପୁର, ଭଦ୍ରକ ଓ ବାଲେଶ୍ବର । ଅରେଞ୍ଜ ଜୋନ୍‌ରେ ଅଛନ୍ତି ରାଜ୍ୟର ଛଅଟି ଜିଲ୍ଲା । ସେଗୁଡ଼ିକ ହେଲେ ଖୋର୍ଦ୍ଧା, ସୁନ୍ଦରଗଡ଼, କେନ୍ଦ୍ରାପଡ଼ା, କୋରାପୁଟ, ଢେଙ୍କାନାଳ ଓ କଳାହାଣ୍ଡି ।

ବଡ଼ କଥା ହେଉଛି ଖୋର୍ଦ୍ଧା ଜିଲ୍ଲା ରେଡ ଜୋନରୁ ଅରେଞ୍ଜ ଜୋନକୁ ଖସିଛି । ରାଜ୍ୟର ବାକି ୨୧ଟି ଜିଲ୍ଲା ଗ୍ରୀନ ଜୋନରେ ରହିଛି । ଗତ କିଛି ଦିନ ଭିତରେ ଯାଜପୁର, ଭଦ୍ରକ ଓ ବାଲେଶ୍ବର ଜିଲ୍ଲାରେ କରୋନା ଭାଇରସ୍‌ ପଜିଟିଭଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଥିବାରୁ ଏହି ଜିଲ୍ଲାଗୁ଼ଡ଼ିକୁ ରେଡ ଜୋନରେ ରଖାଯାଇଛି । ଭୁବନେଶ୍ବରରେ କରୋନା ସଂକ୍ରମିତଙ୍କ ସଂଖ୍ୟା କମିଥିବାରୁ ଖୋର୍ଦ୍ଧା ଜିଲ୍ଲା ରେଡରୁ ଅରେଞ୍ଜ ଜୋନକୁ ଖସିଛି ।

ଦେଶର ମୋଟ ୭୩୩ଟି ଜିଲ୍ଲାକୁ ରେଡ, ଅରେଞ୍ଜ ଏବଂ ଗ୍ରୀନ ଜୋନରେ ବିଭକ୍ତ କରାଯାଇଛି । ଦେଶର ୧୩୦ଟି ଜିଲ୍ଲା ରେଡ ଜୋନରେ ରହିଛି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ତଥ୍ୟ ଅନୁସାରେ ୨୮୪ଟି ଜିଲ୍ଲା ଅରେଞ୍ଜ ଓ ୩୧୯ଟି ଜିଲ୍ଲା ଗ୍ରୀନ ଜୋନରେ ରହିଛି । ମେ ୩ ତାରିଖ ପରେ ଲାଗୁ ହେବାକୁ ଥିବା ନୂଆ ଲକଡାଉନ ନିୟମରେ ରେଡ ଜୋନରେ ଥିବା ଜିଲ୍ଲାରେ କଟକଣା ଅଧିକ ହେବା ସମ୍ଭାବନା ରହିଛି । ଏହି ସବୁ ଜିଲ୍ଲାମାନଙ୍କରେ ଆହୁରି କିଛି ନିୟମ କଠୋର ହେବା ସମ୍ଭାବନା ରହିଛି ।

ଅରେଞ୍ଜ ଜୋନରେ କିଛି ନିୟମ କୋହଳ ହେବା ସହ ଗ୍ରୀନ ଜୋନରେ ଜନଜୀବନ ସାମାନ୍ୟ ହୋଇପାରେ । କେନ୍ଦ୍ର ସ୍ବାସ୍ଥ୍ୟ ସଚିବ ସବୁ ରାଜ୍ୟ ସରକାରଙ୍କ ଚିଠି ଲେଖିଛନ୍ତି । ୨୧ ଦିନ ପର୍ଯ୍ୟନ୍ତ ଯେଉଁ ଜିଲ୍ଲାମାନଙ୍କରେ କରୋନା ପଜିଟିଭ ସଂକ୍ରମଣ ମାମଲା ସାମନାକୁ ଆସିବ ନାହିଁ, ସେହି ଜିଲ୍ଲାଗୁଡ଼ିକୁ ଗ୍ରୀନ ଜୋନରେ ସାମିଲ କରାଯିବ । ପ୍ରତି ସପ୍ତାହରେ ତାଲିକା ଅପଡେଟ କରାଯିବ । ରେଡ, ଅରେଞ୍ଜ ଜୋନରେ କଣ୍ଟେନମେଣ୍ଟ ଅଞ୍ଚଳ ଜରିଆରେ କରୋନା ସଂକ୍ରମଣ ରୋକିବା ଉପରେ ସ୍ବାସ୍ଥ୍ୟ ମନ୍ତ୍ରାଳୟ ଗୁରୁତ୍ବ ଦେଇଛି ।
First published: May 1, 2020, 5:57 PM IST
corona virus btn
corona virus btn
Loading