ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»୨୪ ଘଣ୍ଟାରୁ କମ୍ ସମୟ ମଧ୍ୟରେ ଦେଶର ୫ଟି ସ୍ଥାନକୁ ଓଡ଼ିଶାରୁ ପଠାଗଲା ୨୫୦ ଟନ୍ ଅକ୍ସିଜେନ୍

୨୪ ଘଣ୍ଟାରୁ କମ୍ ସମୟ ମଧ୍ୟରେ ଦେଶର ୫ଟି ସ୍ଥାନକୁ ଓଡ଼ିଶାରୁ ପଠାଗଲା ୨୫୦ ଟନ୍ ଅକ୍ସିଜେନ୍

ଗ୍ରୀନ୍ କରିଡର୍ ଯୋଗେ ଏହି ଅକ୍ସିଜେନ୍ ପରିବହନ କାର୍ଯ୍ୟ କରାଯାଉଛି । ଅକ୍ସିଜେନ୍ ଯୋଗାଣ ପାଇଁ ଗଠିତ ଅଧିକାରୀମାନଙ୍କର ଏକ ସ୍ବତନ୍ତ୍ର ସେଲ୍ ରାଜ୍ୟ ପୋଲିସ ମୁଖ୍ୟାଳୟରେ କାର୍ଯ୍ୟ କରୁଛି ।

୨୪ ଘଣ୍ଟାରୁ କମ୍ ସମୟ ମଧ୍ୟରେ ଦେଶର ୫ଟି ସ୍ଥାନକୁ ଓଡ଼ିଶାରୁ ପଠାଗଲା ୨୫୦ ଟନ୍ ଅକ୍ସିଜେନ୍
ଗୋଟିଏ ଅକ୍ସିଜେନ୍ ଯୋଗାଣ ଟ୍ୟାଙ୍କରକୁ ପୋଲିସ ଗାଡ଼ି ଏସ୍କର୍ଟ କରୁଛି ।
  • News18 Odia
  • Last Updated: April 23, 2021, 11:32 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

କଟକ: ସମଗ୍ର ଦେଶରେ ଏବେ ଅକ୍ସିଜେନକୁ ନେଇ ହାହାକାର ଦେଖା ଦେଇଥିବା ବେଳେ ଏହାର ମୁକାବିଲା ପାଇଁ ଓଡ଼ିଶା ସରକାର ଅଣ୍ଟା ଭିଡ଼ିଛନ୍ତି । ଏହି କ୍ରମରେ ଗୁରୁବାର ରାତିରୁ ଶୁକ୍ରବାର ସନ୍ଧ୍ୟା ମଧ୍ୟରେ ୧୫ଟି ଅକ୍ସିଜେନ୍ ଟ୍ୟାଙ୍କର୍ ଯୋଗେ ୨୫୦ ଟନ୍‌ ଅକ୍ସିଜେନ୍ ଦେଶର ବିଭିନ୍ନ ରାଜ୍ୟକୁ ପଠାଯାଇଛି । ଅନୁଗୁଳ, ରାଉରକେଲା ଓ ଯାଜପୁରରେ ଥିବା ବିଭିନ୍ନ ଶିଳ୍ପ ସଂସ୍ଥାରୁ ଏହି ଅକ୍ସିଜେନ୍ ଯୋଗାଣ କରାଯାଇଛି ।

ଓଡ଼ିଶାରୁ ଅକ୍ସିଜେନ୍ ନେଇ ଟ୍ୟାଙ୍କରଗୁଡି଼କ ଆନ୍ଧ୍ର ପ୍ରଦେଶର ବିଶାଖାପଟନମ୍, ମହାରାଷ୍ଟ୍ରର ପୁଣେ, ନାଗପୁର ଓ ମୁମ୍ବାଇ, ମଧ୍ୟ ପ୍ରଦେଶର ଇନ୍ଦୋର ଓ ତେଲଙ୍ଗାନାର ହାଇଦ୍ରାବାଦକୁ ପଠାଯାଇଛି । ଶୁକ୍ରବାର ରାତି ସୁଦ୍ଧା ଆଉ ଚାରିଟି ଟ୍ୟାଙ୍କର୍‌ ଯୋଗେ ଅକ୍ସିଜେନ୍ ଯୋଗାଣ କରାଯିବ । ସେଥି ମଧ୍ୟରୁ ଅନୁଗୁଳରୁ ଯିବାକୁ ଥିବା ଦୁଇଟି ଟ୍ୟାଙ୍କର୍ ବିଶାଖପାଟଣା ଯିବାକୁ ଥିବା ବେଳେ ଯାଜପୁରରୁ ଯିବାକୁ ଥିବା ଦୁଇଟି ଟ୍ୟାଙ୍କରରୁ ଗୋଟିଏ ବିଶାଖାପାଟଣା ଓ ଅନ୍ୟଟି ଗାଜିଆବାଦକୁ ପଠାଯିବ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ମହିଳା ନିଜ ସ୍ୱାମୀଙ୍କ ବିରୋଧରେ ଅଭିଯୋଗ କଲେ: ‘ଗୁପ୍ତାଙ୍ଗରେ ଲେମ୍ବୁ ଫିଟ୍କିରି ପୂରାଉଛନ୍ତି

ଅକ୍ସିଜେନ୍ ଯୋଗାଣକୁ ବାଧାମୁକ୍ତ କରିବା ପାଇଁ ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଅଧିକାରୀମାନଙ୍କୁ ନେଇ ଏକ ସ୍ବତନ୍ତ୍ର ସେଲ୍‌ ଗଠନ କରାଯାଇଛି । କ୍ରାଇମ୍‌ ବ୍ରାଞ୍ଚ ଏ.ଡି.ଜି. ଯଶୋବନ୍ତ ଜେଠୱା ଏହି ସେଲର ମୁଖ୍ୟ ଥିବା ବେଳେ ଅକ୍ସିଜେନ୍‌ ଟ୍ୟାଙ୍କର୍ ଯାଉଥିବା ରାସ୍ତାକୁ ଟ୍ରାଫିକ୍ ମୁକ୍ତ କରିବା ପାଇଁ ଟ୍ୟାଙ୍କର୍ ଯାଉଥିବା ଜିଲ୍ଲାଗୁଡ଼ିକର ଏସ୍.ପି., ଡିସିପି, ରେଞ୍ଜ୍‌ ଆଇ.ଜି. ଓ ଡିଆଜିମାନଙ୍କୁ ଦାୟିତ୍ବ ଦିଆଯାଇଛି । ଗ୍ରୀନ୍ କରିଡର୍ ଯୋଗେ ଏହି ଅକ୍ସିଜେନ୍ ବିତରଣ କାର୍ଯ୍ୟ କରାଯାଉଛି ।

ଅକ୍ସିଜେନ ସେଲର ମୁଖ୍ୟ କ୍ରାଇମ୍ ବ୍ରାଞ୍ଚ ଏ.ଡି.ଜି. ଯଶୋବନ୍ତ ଜେଠୱା


ଏହା ବି ପଢ଼ନ୍ତୁ | COVIDଚିକିତ୍ସା ପାଇଁ ନୂଆ ଔଷଧ ‘ଭିରାଫିନ୍’କୁ ମିଳିଲା ଜରୁରୀକାଳୀନ ଅନୁମତି; ଭଲ କାମ କରୁଛି

‘‘ଅକ୍ସିଜେନ୍ ଯୋଗାଣ ପାଇଁ ଗଠିତ ସ୍ବତନ୍ତ୍ର ସେଲ୍ ରାଜ୍ୟ ପୋଲିସ ମୁଖ୍ୟାଳୟରେ କାର୍ଯ୍ୟ କରୁଛି ଓ ପୂରା ଯୋଗାଣକୁ ସଞ୍ଚାଳନ କରୁଛି । ଗ୍ରୀନ୍ କରିଡର୍ ଜରିଆରେ ଅକ୍ସିଜେନ୍ ଟ୍ୟାଙ୍କରଗୁଡ଼ିକୁ ବିଭିନ୍ନ ରାଜ୍ୟକୁ ପଠାଯାଉଛି । ଆଗକୁ ମଧ୍ୟ ଏହି କାର୍ଯ୍ୟ ଜାରି ରହିବ । ଏହାକୁ ସୁଚାରୁ ରୂପେ ସମ୍ପାଦନା କରିବା ପାଇଁ ଓଡ଼ିଶା ପୋଲିସ ବଦ୍ଧପରିକର,’’ ନ୍ୟୁଜ୧୮ ଓଡ଼ିଆ ଡିଜିଟାଲକୁ କହିଛନ୍ତି ଅତିରିକ୍ତ ଡିଜି (କ୍ରାଇମ୍ ‌ବ୍ରାଞ୍ଚ୍‌) ଯଶୋବନ୍ତ ଜେଠୱା ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ଅର୍ଶୀ ଖାନ୍ଙ୍କ ଇଚ୍ଛା ବିରୁଦ୍ଧରେ ଜଣେ ଫ୍ୟାନ୍ ତାଙ୍କୁ KISS କରିଦେଲା; ଅଭିନେତ୍ରୀ ନର୍ଭସ୍ହେଲେ!

ଅକ୍ସିଜେନ୍‌ ଯୋଗାଣ କାର୍ଯ୍ୟ ସମୟରେ ସ୍ଥାନୀୟ ଏସ୍.ପି.ମାନେ ପ୍ରତ୍ୟକ୍ଷ ଭାବେ ପ୍ଲାଣ୍ଟରେ ଉପସ୍ଥିତ ରହି ଟ୍ୟାଙ୍କରରେ ଅକ୍ସିଜେନ୍ ଭରାଯିବା ଓ ଭର୍ତ୍ତି ହେବା ପରେ ଟ୍ୟାଙ୍କରରୁ ପୋଲିସ ଏସ୍କର୍ଟ ଯୋଗେ ନିଜ ଜିଲ୍ଲାର ସୀମା ପର୍ଯ୍ୟନ୍ତ ନେବା କାର୍ଯ୍ୟକୁ ପ୍ରତ୍ୟକ୍ଷ ଭାବେ ନିରୀକ୍ଷଣ କରୁଛନ୍ତି । ଜିଲ୍ଲା ସୀମା ପାର୍‌ ହେବା ପରେ ପଡ଼ୋଶୀ ଜିଲ୍ଳାର ପୋଲିସ ଏହି ଟ୍ୟାଙ୍କରକୁ ଏସ୍କର୍ଟ କରି ନିଜ ଜିଲ୍ଲା ସୀମା ପାର୍‌ କରାଉଛି ।



ଓଡ଼ିଶା ପୋଲିସ ଏହି ପ୍ରକ୍ରିୟାକୁ ରାଜ୍ୟ ସୀମା ପର୍ଯ୍ୟନ୍ତ ଜାରି ରଖିବା ସହିତ ରାଜ୍ୟ ସୀମା ପାର୍‌ ହେବା ପରେ ପଡ଼ୋଶୀ ରାଜ୍ୟର ପୋଲିସ ଏହି ଧାରାକୁ ଆଗକୁ ଜାରି ରଖୁଥିୂବା ଜଣାପଡ଼ିଛି ।
Published by: Anand ST Das
First published: April 23, 2021, 11:32 PM IST