Breaking News: ଭାରତରେ କରୋନାର ନୂଆ ଷ୍ଟ୍ରେନରେ ଆଉ ୧୪ ଜଣ ସଂକ୍ରମିତ ହେଲେ; କେବଳ ଦିଲ୍ଲୀରୁ ୮ ଜଣ ରୋଗୀ

News18 Odia Digital
ନୂଆ ଦିଲ୍ଲୀ: ଭାରତରେ କରୋନା ଭାଇରସର ନୂଆ ଷ୍ଟ୍ରେନର ୧୪ଟି ମାମଲା ଦେଖିବାକୁ ମିଳିଛି । ଯାହା ପରେ ଏପର୍ଯ୍ୟନ୍ତ ସମୁଦାୟ ମାମଲା ୨୦ରେ ପହଞ୍ଚିଛି । ବୁଧବାର ସକାଳେ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ କଲ୍ୟାଣ ଏହି ବିଷୟରେ ସୂଚନା ଦେଇଛନ୍ତି । ମଙ୍ଗଳବାର ଦିନ ବ୍ରିଟେନରୁ ଆସିଥିବା ନୂଆ କୋଭିଡ୍ ଷ୍ଟ୍ରେନ୍‌ର ୬ଟି ମାମଲା ଦେଖିବାକୁ ମିଳିଥିଲା । କୁହାଯାଉଛି ଯେ ମୋଟ ୨୦ଟି ମାମଲା ମଧ୍ୟରୁ ୮ଟି କେବଳ ଜାତୀୟ ରାଜଧାନୀ ଦିଲ୍ଲୀର ଅଟେ ।

ମନ୍ତ୍ରଣାଳୟ କହିଛି ଯେ ମଙ୍ଗଳବାର ଦିନ ମୋଟ ୧୦୭ ନମୁନା ଯାଞ୍ଚ କରାଯାଇଛି । ସେଥିମଧ୍ୟରୁ ୧୪ ଟି ଏନସିଡିସି ଦିଲ୍ଲୀରେ, ୭ ଟି NIBG କୋଲକାତା ନିକଟ କଲ୍ୟାଣରେ, ୫୦ ଟି NIV ପୁଣେରେ, ୧୫ ଟି ନିମହାନ୍ସରେ, ୧୫ ଟି ସିସିଏମବିରେ, ୬ ଟି ଆଇଜିବିରେ ଟେଷ୍ଟ କରାଯାଇଛି । ଏଥିମଧ୍ୟରୁ ୮ଟି ଦିଲ୍ଲୀ, ୧ କୋଲକାତାର କଲ୍ୟାଣୀ,୧ NIV ପୁଣେ, ୭ ନିମନ୍, ୨ ସିସିଏବ, ୧ ଆଇଜିବି କୋଲକାତାରେ ସଂକ୍ରମିତ ହୋଇଥିବା ଜଣାପଡିଛି । ଏହି ସମସ୍ତ ସଂକ୍ରମଣର ଜେନୋମ କ୍ରମରେ ଜଣା ପଡିଛି ଯେ ଏହି ଭାଇରସ ନୂଆ ରୂପରେ ସଂକ୍ରମିତ ହୋଇଛନ୍ତି ।

କରୋନା ଭୂତାଣୁର କରୋନା ଭୂତାଣୁର (B.1.1.7) ଏହି ନୂଆ ଷ୍ଟ୍ରେନ୍ ତିନି ଗୁଣ ଅଧିକ ସଂକ୍ରାମକ ବୋଲି କୁହାଯାଏ । ଯଦିଓ କୋଭିଡ-୧୯ ର ଏହି ନୂଆ ଷ୍ଟ୍ରେନ୍ କେତେ ବିପଜ୍ଜନକ ଏହା ସ୍ପଷ୍ଟ ନୁହେଁ । ବୈଜ୍ଞାନିକମାନେ ବର୍ତ୍ତମାନ ଏହାର ଜିନୋମ ଗଠନ ଉପରେ ଅନୁସନ୍ଧାନ କରୁଛନ୍ତି ଓ ଏଥିରେ ପରିବର୍ତ୍ତନ ଯୋଗୁଁ ଭୂତାଣୁ ଅଧିକ ବିପଜ୍ଜନକ କିମ୍ବା ଅସୁରକ୍ଷିତ ହୋଇପଡିଛି କି ନାହିଁ ଜାଣିବାକୁ ଚେଷ୍ଟା କରୁଛନ୍ତି ।