ବ୍ୟାଡମିଣ୍ଟନରେ ସ୍ଵର୍ଣ୍ଣ ଜିତିଲେ କୃଷ୍ଣ ନାଗର; ଭାରତକୁ ଟୋକିଓ ପାରାଲମ୍ପିକ୍ସରୁ ମିଳିଲା ୫ ସ୍ୱର୍ଣ୍ଣ

News18 Odia Digital

ନୂଆ ଦିଲ୍ଲୀ: ଟୋକିଓ ପାରାଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତି କୃଷ୍ଣ ନାଗର ଇତିହାସ ସୃଷ୍ଟି କରିଛନ୍ତି। SL6 ଶ୍ରେଣୀ ଫାଇନାଲରେ କୃଷ୍ଣ ନାଗର ହଙ୍କର ଚୁ ମ୍ୟାନ୍ କେଙ୍କୁ ୨୧-୧୭, ୧୬-୨୧, ୨୧-୧୭ରେ ପରାସ୍ତ କରିଛନ୍ତି। ଟୋକିଓ ପାରାଲିମ୍ପିକ୍ସରେ ବ୍ୟାଡମିଣ୍ଟନରେ ଏହା ଭାରତର ଚତୁର୍ଥ ପଦକ। ଟୋକିଓ ପାରାଲିମ୍ପିକ୍ସରେ ଏହା ହେଉଛି ଭାରତର ପଞ୍ଚମମ ସ୍ୱର୍ଣ୍ଣ। କୃଷ୍ଣଙ୍କ ପୂର୍ବରୁ ପ୍ରମୋଦ ଭାଗବତ ବ୍ୟାଡମିଣ୍ଟନରେ ସ୍ୱର୍ଣ୍ଣ, ସୁହାସ ୟଥୀରାଜ ସିଲଭର ଓ ମନୋଜ ସାର୍କ ବ୍ରୋଞ୍ଜ ପଦକ ଜିତିଛନ୍ତି।

ଏହା ସହ ଟୋକିଓ ଅଲିମ୍ପିକ୍ସରେ ଭାରତର ପଦକ ୧୯କୁ ବୃଦ୍ଧି ପାଇଛି।  ଭାରତ ଏପର୍ଯ୍ୟନ୍ତ ୫ଟି ସ୍ୱର୍ଣ୍ଣ, ଆଠଟି ରୌପ୍ୟ ଓ ୬ଟି ବ୍ରୋଞ୍ଜ ପଦକ ଜିତିଛି।  ଟୋକିଓ ପାରାଲିମ୍ପିକ୍ସରେ ସୁଟିଂରେ ଭାରତ ୫ଟି ଓ ବ୍ୟାଡମିଣ୍ଟନରେ ଚାରିଟି ପଦକ ଜିତିଛି।

କୃଷ୍ଣ ପାରାଲିମ୍ପିକ ଗେମ୍ସରେ ସ୍ୱର୍ଣ୍ଣ ଜିତିବାରେ ଅଷ୍ଟମ ଭାରତୀୟ

ଟୋକିଓ ପାରାଲିମ୍ପିକ୍ସରେ ଏହା ହେଉଛି ଭାରତର ୫ମ ସ୍ୱର୍ଣ୍ଣ ପଦକ। ଟୋକିଓ ପାରାଲିମ୍ପିକ୍ସରେ କୃଷ୍ଣଙ୍କ ପୂର୍ବରୁ ପ୍ରମୋଦ ଭାଗବତ (ବ୍ୟାଡମିଣ୍ଟନ), ମନୀଷ ନରୱାଲ (ଶୁଟିଂ), ସୁମିତ ଆଣ୍ଟିଲ (ଜାଭେଲିନ୍ ଥ୍ରୋ) ଓ ଅବନୀ ଲେଖାର (ଶୁଟିଂ) ଭାରତକୁ ସ୍ୱର୍ଣ୍ଣ ଦେଇଛନ୍ତି।  ପାରାଲିମ୍ପିକ୍ ଗେମ୍ସରେ ସ୍ୱର୍ଣ୍ଣ ଜିତିବାରେ କୃଷ୍ଣ ନାଗର କେବଳ ଅଷ୍ଟମ ଭାରତୀୟ ଖେଳାଳି ଅଟନ୍ତି। ୧୯୭୨ରେ ପାରାଲିମ୍ପିକ ଗେମ୍ସରେ ମୁର୍ଲିକାଣ୍ଟ ପେଟକର ଭାରତର ପ୍ରଥମ ସ୍ୱର୍ଣ୍ଣ ଜିତିଥିଲେ। ଏହା ପରେ ଦେବେନ୍ଦ୍ର ଜାଜରିଆ ଏଥେନ୍ସ ଅଲିମ୍ପିକ୍ସ ୨୦୦୪ ଓ ରିଓ ଅଲିମ୍ପିକ୍ସ ୨୦୧୬ରେ ଜାଭେଲିନ୍ ଥ୍ରୋରେ ଭାରତକୁ ସ୍ୱର୍ଣ୍ଣ ପ୍ରଦାନ କରିଥିଲେ। ରିଓ ଗେମ୍ସରେ ଉଚ୍ଚ ଜମ୍ପରେ ମାରିଆପାନ୍ ଥାଙ୍ଗାଭେଲୁ ସ୍ୱର୍ଣ୍ଣ ପଦକ ଜିତିଥିଲେ।

ରାଜସ୍ଥାନର ଜୟପୁରରୁ ଆସିଥିବା ୨୧ ବର୍ଷୀୟ କୃଷ୍ଣ ନାଗର ଏପ୍ରିଲରେ ଦୁବାଇରେ ପାରା ବ୍ୟାଡମିଣ୍ଟନ ଆନ୍ତର୍ଜାତୀୟ ଟୁର୍ନାମେଣ୍ଟରେ ଦୁଇଟି ସ୍ୱର୍ଣ୍ଣ ପଦକ ଜିତିଛନ୍ତି। ନାଗର୍ SL6 ଶ୍ରେଣୀରେ ଏକ ପଦକ ଜିତିଛନ୍ତି ଯେଉଁଥିରେ ଛୋଟ ଖେଳାଳି ଖେଳନ୍ତି। ଯେତେବେଳେ କୃଷ୍ଣଙ୍କୁ ମାତ୍ର ୩ବର୍ଷ ହୋଇଥିଲା, ଡାକ୍ତରମାନେ କହିଥିଲେ ଯେ ତାଙ୍କର ଉଚ୍ଚତା ଅଧିକ ହେବ ନାହିଁ। ସମସ୍ତ ଭାଇଭଉଣୀ, ଘରେ ପିତାମାତାଙ୍କର ଉଚ୍ଚତା ସ୍ୱାଭାବିକ, କିନ୍ତୁ କୃଷ୍ଣ ନାଗରର ଲମ୍ବ ୪.୬ଫୁଟରୁ ଅଧିକ ହୋଇପାରିବ ନାହିଁ।